Connect with us

Lajme

Qeveria, mbi 144 mijë euro për ushqime luksoze

Publikuar

më

Qeveria parashikon që këtë vit ti shpenzojë mbi 144 mijë euro, para të qytetarëve për të blerë ushqime luksoze të klasit të partë. Për tu furnizuar me të gjitha këto produkte, Shërbimi për Punë të Përgjithshme dhe të Përbashkëta ka nënshkruar disa kontrata me kompani të ndryshme dhe atë për: Produkte nga mishi i thatë, produkte nga mishi i freskët i pulës, fruta, perime dhe zarzavate si dhe disa lloje të kafesë.

Më së shumti para, Qeveria dhe institucionet e saj parashikojnë të shpenzojnë për kafe esspreso dhe lloje të tjera të kafesë shumë prej 2.950.000 denarë ose mbi 48.000 euro, pastaj për fruta 2.100.000 denarë ose mbi 34.200 euro. 1.785.000 denarë ose mbi 29.000 euro Qeveria parashikon të shpenzojë për lloje të ndryshme të mishit të freskët të pulës, rreth 24.000 euro ose 1.470.000 denarë për produkte nga mishi i thatë. Shërbimi i Qeverisë ka nënshkruar dy kontrata në vlerë të përgjithshme prej rreth 9.400 euro ose 577.500 denarë për të furnizuar me fruta dhe perime dy vilat shtetërore në Ohër. Shuma totale e të gjitha këtyre shpenzimeve të parashikuara të Qeverisë arrin rreth 144.761 euro.

Ajo që bie në sy në kontratat e nënshkruara nga Shërbimi për Punë të Përgjithshme dhe të Përbashkëta të Qeverisë, është se nga kompanitë kërkohet që furnizimet të bëhen me produkte të klasit të parë.

Dërguam pyetje konkrete në Qeveri:

“Pse janë kaq të nevojshme këto produkte, në periudhë krize kur numri më i madh i qytetarëve në vend jetojnë me më pakë se 150 denarë në ditë?”.

Ndërsa përgjigja e shkurtër dhe pa detaje konkrete e Qeverisë ishte:

“Lidhur me pyetjen tuaj theksojmë se furnizimi bëhet për të gjitha furnizimet të cilat janë nën kompetenca të Shërbimit për Punë të Përgjithshme dhe të Përbashkëta të Qeverisë, ndërsa i japin shërbim edhe presidentit të shtetit, kryetarit të Kuvendit dhe institucioneve të tjera shtetërore. Ju njoftojmë se marrëveshje kornizë të nënshkruara ka çdo vit, sipas marrëveshjes, malli tërhiqet në mënyrë të njëpasnjëshme, varësisht prej nevojës”, thonë nga Qeveria.

Ushqimet luksoze të Qeverisë, pasojnë rreth tetë muaj pasi Alsat publikoi skandalin se në kohë krize Qeveria parashikonte të shpenzojë më shumë se 20 mijë euro për oktopodë dhe peshk të freskët.

– Kafe esspreso dhe lloje të tjera të kafesë – 2.950.000 denarë / mbi 48.000 euro,
– Fruta-perime – 2.100.000 denarë / mbi 34.200 euro,
– Mishi i freskët i pulës – 1.785.000 denarë / mbi 29.000 euro,
– Produkte të mishit të thatë – 1.470.000 denarë / rreth 24.000 euro,
– Fruta-perime për Vilat në Ohër – 577.500 denarë / mbi 9420 euro.

TOTALI 144.761 euro./Alsat.mk

Shqipëri3 minutes ago

Çfarë ndodhi në Qafë-Thanë? Himni shqiptar në Pustec ndez debat në konferencën me Mickoskin, gazetari nga Tetova përplaset me Ramën

Lajme26 minutes ago

Mexhiti: Para 20 vjetësh sollëm bustin e Skënderbeut, sot lehtësojmë kalimin e kufirit

Lajme36 minutes ago

Kasami: Në Qafë Thanë dhe katër vendkalime tjera kufitare do të ketë vetëm një kontroll për qytetarët

Lajme39 minutes ago

22 Nëntori – Dita e Alfabetit të Gjuhës Shqipe, 118 vjet nga Kongresi historik i Manastirit

Lajme51 minutes ago

Rama dhe Mickoski promovuan “One Stop Shop” në Qafë Thanë, nga nesër nis zbatimi

Lajme1 hour ago

Skandaloze çfarë po zbulon Komisioni për rastin e Arlinda Zekajt: Dyshime për falsifikim dokumentesh dhe shkelje institucionale

Maqedoni3 hours ago

Ali Ahmeti: Nëntori na bashkon, gruaja shqiptare shtyllë e familjes dhe e identitetit kombëtar

Lajme3 hours ago

“One Stop Shop” në pikën kufitare Qafë Thanë

Shqipëri3 hours ago

E diela sjell ndryshim të motit, reshjet e shiut përfshijnë disa zona, ja si do të luhaten temperaturat sot

Lajme4 hours ago

Skemat e mirëqenies sociale, ASK jep të dhënat: Afërsisht 40 mijë veteranë janë përfitues, prijnë pensionet bazike të moshës

Maqedoni5 hours ago

Konvikti studentor apo deponi mbeturinash? Pamje të turpshme nga “Goce Dellçev” në Shkup!

Shqipëri6 hours ago

Superiore/ Vendos një penallti e Balajt, Vllaznia fiton me Partizanin, “demat e kuq” mbeten në vendin e fundit!

NA NDIQ NË FACEBOOK