Pashpirtësi izraelite në Ramazan: Sulm në Al-Aksa (VIDEO)

Policia izraelite sulmoi dhjetëra besimtarë në kompleksin e xhamisë Al-Aksa në Jerusalem, duke plagosur shtatë persona, thanë dëshmitarët.

Bastisja u zhvillua para agimit të së mërkurës, me policinë izraelite që pretendoi se po i përgjigjeshin një “shqetësimi”.

Gjysmëhëna e Kuqe Palestineze raportoi për të lënduar, por nuk tha se sa të plagosur. Në deklaratë thuhej se forcat izraelite i penguan mjekët e tyre të arrinin në Al-Aksa.

“Unë isha ulur në një karrige dhe lexoja (Kur’anin)”, tha një grua e moshuar për agjencinë e lajmeve Reuters ndërsa ishte ulur jashtë xhamisë, duke luftuar për të marrë frymë. “Ata po hidhnin granata trullosëse, njëra më goditi në gjoks”, tha ajo ndërsa filloi të qante.

#BREAKING: Israeli forces storm Al Aqsa Mosque, use gas bombs, sound grenades and mercilessly beat up Palestinian worshipers. Dozens of Palestinian worshippers got injured after being attacked by Israeli occupation troops.#AlAqsaMosque #Palestine #Israel pic.twitter.com/OZnhMhw0AS

— World Times (@WorldTimesWT) April 4, 2023

Policia izraelite tha në një deklaratë se ata u detyruan të hynin në kompleks pasi “agjitatorët e maskuar” u mbyllën brenda xhamisë me fishekzjarre, shkopinj dhe gurë.

“Kur policia ka hyrë brenda, një grup i madh agjitatorësh kanë gjuajtur me gurë dhe fishekzjarrë nga xhamia”, thuhet në deklaratë, duke shtuar se polici është plagosur në këmbë.

Palestinezët dënuan sulmet e fundit ndaj besimtarëve, të cilat ata i përshkruan si një krim.

“Ne po paralajmërojmë pushtuesit që të mos kalojnë vijat e kuqe në vendet e shenjta, sepse do të çojë në një shpërthim të madh”, tha Nabil Abu Rudeineh, zëdhënës i presidentit palestinez Mahmud Abbas.

Jordania, e cila është kujdestari i vendeve të shenjta të krishtera dhe muslimane të Jeruzalemit, sipas një marrëveshjeje status quo-je në fuqi që nga lufta e vitit 1967, dënoi sulmin “flagrant” të Izraelit në kompleks. Ministria e Jashtme egjiptiane, ndërkohë, bëri thirrje për ndalimin e menjëhershëm të “sulmit të dukshëm” të Izraelit ndaj besimtarëve të Al-Aksa.

Palestinezët e shohin Al-Aksa si një nga simbolet e pakta kombëtare mbi të cilat ata mbajnë njëfarë elementi kontrolli. Megjithatë, ata kanë frikë nga një infiltrim i ngadalshëm nga grupet hebraike, të ngjashme me atë që ndodhi në xhaminë Ibrahimi në Hebron, ku gjysma e xhamisë u shndërrua në një sinagogë pas vitit 1967.

Palestinezët janë gjithashtu të shqetësuar për lëvizjet izraelite të ekstremit të djathtë që duan të shkatërrojnë strukturat islame në kompleksin e Xhamisë Al-Aksa dhe të ndërtojnë një tempull hebre në vend të tyre. /tesheshi.com/