Lazim Destani ndan mijëra kuponë për familjet në nevojë në prag të festës së Bajramit

Filantropi shqiptar Lazim Destani në prag të festës së Bajramit ka ndarë kuponë në vlera të ndryshme financiare për të ndihmuar familjet në nevojë në prag të festës së Bajramit.

Ai ka thënë se kjo është një traditë prej dekadash nga kompania “Ecolog”, teksa shtoi se përkujdesa ndaj familjeve sociale do të mbetet përherë prioritet i tij.

“Duke vazhduar mbështetjen prej dekadash ndaj familjeve në nevojë, ‘Ecolog’ edhe për këtë festë Bajrami ka përgatitur kuponë me vlerë të caktuar, ndërsa është në përfundim e sipër shpërndarja e tyre. Përkujdesja ndaj familjeve sociale ka qenë dhe mbetet pjesë e pandashme e donacioneve, që kompania jonë realizon në kuadër të përgjegjësisë korporative shoqërore. Ndihem mirë dhe uroj që ky donacion të sjellë lehtësira dhe ngrohtësi te këto familje në Tetovë, si dhe në komunat rurale të këtij qyteti”, shkroi ai në Facebook. /Zëri