Një ditë pas mbylljes së afatit ligjor nga ana e KQZ-së për dorëzim të listave me kandidatë për zgjedhjet e jashtëzakonshme për katër komunat në veri të vendit, është deklaruar kryeministri Albin Kurti.
Ai ka folur në lidhje me bojkotimin nga Lista Serbe të këtij procesi zgjedhor.
Kryeministri i vendit ka deklaruar në llogarinë e tij në Twitter se një vendim i tillë është shenjë e qartë se Beogradi kontrollon këtë parti.
“E gjithashtu edhe kryen ndërhyrje në punët e brendshme të Kosovës”, deklaroi ai.
“Lista Serbe refuzoi të marrë pjesë në zgjedhjet lokale në 4 komunat veriore të Kosovës këtë prill. Kjo është një shenjë e qartë e kontrollit të Beogradit mbi partinë dhe ndërhyrjes së vazhdueshme në punët e brendshme të Kosovës”.
Ai tha se BE-ja duhet të dënojë këtë shkelje të shpejtë të marrëveshjes bazë.
The Serbian List refused to participate in local elections in 4 northern municipalities of 🇽🇰 this April. This is a clear sign of Belgrade’s control over the party & nonstop interference in 🇽🇰’s domestic affairs. The EU must condemn this prompt violation of the Basic Agreement.
— Albin Kurti (@albinkurti) March 23, 2023
