Ky është shteti i parë evropian që ua lejon grave të punësuara pushimin menstrual

Gratë e punësuara në Spanjë kanë mundësinë të marrin pushimin e tyre menstrual, për tre deri në pesë ditë nëse ndihen jomirë, gjatë periodave të tyre.

Ministrja e barazisë në Spanjë, Irene Montero, ka deklaruar para legjislativit se pa këto të drejta, gratë nuk janë qytetare të plota.

Sipas saj ky vendim është i rëndësishëm për shëndetin e grave.

Sigurimi i pushimit menstrual do të financohet nga qeveria spanjolle.

Ky ligj u ka dhënë grave të drejtën e pushimit me pagesë gjatë periodave të tyre, pra, gratë do të lejohen të marrin leje gjatë menstruacioneve.

Spanja ditë më parë miratoi një sërë ligjesh për të drejtat seksuale dhe riprodhuese, duke përfshirë ato për abortin dhe të drejtat e transgjinorëve, duke e bërë atë vendin e parë në Europë që u jep punëtoreve të drejtën për pushim menstrual me pagesë.