Humbi prindërit në tërmet, por la mënjanë dhimbjen dhe shkoi në punë, historia e dhimbshme e Dr. Onur

Onur Koyuncu, kryemjeku që humbi prindërit e tij nga tërmeti, la mënjanë dhimbjen dhe nxitoi në ndihmë të qytetarëve.

Në Hatay, ku u përjetuan shkatërrime të mëdha, një nga vendet më të prekura nga tërmetet në Kahramanmaraş , Spitali i Trajnimit dhe Kërkimit Universitar “Mustafa Kemal” u shërbeu qindra të plagosurve atë natë.

Kryemjeku i spitalit dhe po ashtu viktimë edhe vetë nga tërmeti, Prof. Dr. Onur Koyuncu u kthye në detyrë menjëherë pas fatkeqësisë së madhe.

Koyuncu, i cili humbi nënën dhe babanë e tij në tërmet, vazhdoi të punojë pa u menduar dhe nxitoi për të ndihmuar të plagosurit që vinin si shi atë natë nga çdo cep i qytetit.
Duke përshkruar atë që ndodhi në spital atë natë, kryemjeku Prof. Dr. Onur Koyuncu tha:

“Sapo ndodhi tërmeti, mora fëmijët e mi dhe erdha këtu. Kam qenë këtu gjatë gjithë kohës që rreth 1 ore pas tërmetit. Kështu filloi aventura jonë. Fatkeqësisht, ishte një proces shumë i vështirë. Kemi marrë me një numër shumë të madh të plagosurish. U shërbyem rreth 2500 të lënduarve në 72 orët e para. Përveç kësaj, ne kemi bërë transferime shumë të shpejta këtu. Ishte vërtet një proces shumë i vështirë”.