E trishtë! Arrestimi e ndau nga djali 8 ditësh, del para gjykatës nëna lehone

Seanca gjyqësore në Gjykatën e Tiranës ka nxjerrë nga burgu nënën lehonë, Diana Bahçen, e cila u arrestua pak ditë pasi lindi djalin e saj, pasi kishte marrë një gjobë prej 250 mijë Lekësh që iu konvertua në 50 ditë burg.

Në seancën gjyqësore, mbrojta ka marrë përsipër që t’i paguhet gjoba nënës lehonë derisa të shqyrtohet kërkesa tjetër për shlyerjen e gjobës.

Seanca e ardhshme lidhur me këtë çështje do të zhvillohet më 14 Prill, në orën 10:00.

Prokuroria: A jeni dakord që ju të paguani gjobën dhe quhet dënimi i shlyer dhe çështja zgjidhet përfundimisht që të mos zvarritet nëpër procese gjyqësore? Dhe jam dakord që të lirohet menjëherë nga burgu për shkak të situatës ku ndodhet.

Prokuroria: Kemi një dënim të shtetases në fjalë. Ka vendim dënimi me gjobë që nuk është ekzekutuar nga përmbarimi dhe ata kanë njoftuar prokurorinë. Nuk kemi qenë në dijeni që zonja ka qenë me fëmijë sepse vendimi është në Qershor 2022 dhe zonja ka qenë në mungesë.

Mbrojtja: Kërkojmë lirimin e menjëhershëm nga burgu për shkak të fëmijës së mitur që është vetëm 20 ditësh.

Mbrojta: Ne kemi bërë dy kërkesa, shtyrja e afatit të ekzektutimit të vendimit derisa fëmija të bëjë 1 vjeç dhe po ashtu pezullimin e vendimit me burg.

Akuza: Nuk është shlyer gjoba dhe për këtë arsye, prokuroria ka vënë në lëvizje gjykatën për të bërë konvertimin e gjobës në burg.

Diana Bahçja u arrestua për një gjobë të papaguar për braktisjen e fëmijës nga martesa e parë./tvklan/