Aksident i frikshëm, përplasen dy automjete, njëra prej tyre ndahet në dysh, 1 i vdekur e 1 i plagosur

Një aksident tepër i rëndë ka ndodhur mesditën e sotme në Konia të Turqisë, ku si pasojë e përplasjes së dy automjeteve, një person ka vdekur dhe një tjetër është plagosur rëndë.

Mësohet se dy automjete, njëra prej të cilave nën drejtimin e Fatih Gül, 33 vjeç, dhe makina tjetër nën kontrollin e Devran Kavaklı, 23 vjeç, janë përplasur mes tyre.

Pas përplasjes, njëra nga makinat është përmbysur në kopshtin e një shtëpie të pavarur, ndërsa makina tjetër është ndarë në gjysmë.

Policia dhe grupi hetimor shkuan në vendin e ngjarjes dhe nisën hetimet për aksidentin./a2cnn.