‘S’të nxjerr dot ndryshe vëlla’, shkoi të ndihmonte por mbeti nën rrënoja, kolegët e shpëtuan duke i prerë këmbën

Mustafa Alici, i cili shkoi në Malatya për ndihmë nga Stambolli, u shpëtua duke i prerë këmbën pasi kishte mbetur nën rrënoja nga tërmeti i dytë që ra në Turqi. Ekipet e shpëtimit mobilizuan të gjitha mundësitë për Mustafa Alicin, këmba e të cilit u kap mes shtyllës dhe traut të ndërtesës. Por e vetmja mundësi për ta shpëtuar ishte që t’i prisnin këmbën.

Siç duket edhe nga videoja e mësipërme, një koleg i thoshte që: Nuk të shpëtoj dot ndryshe vëlla…

Pasi mesa duket Alici nuk ka qenë dakord që t’i pritej këmba, por mesa duket kjo ka qenë e vetmja mënyrë për ta nxjerrë gjallë nga aty ku ndodhej. Pasi ka ndodhur procedura, ai është nxjerrë nga rrënojat dhe i është dorëzuar ekipeve mjekësore, por pamjet dhe lajmi kanë bërë xhiron e rrjetit kudo në botë.

Deri tani bilanci i viktimave nga tërmeti tragjik që goditi Turqinë e Sirinë është përkeqësuar. Tani raportohet për mbi 5000 viktima në total dhe mbi 18 mijë persona të plagosur. E gjithë bota është solidarizuar me këto dy vende dhe kanë dërguar ekipe të kërkim-shpëtimit si edhe ndihma humanitare. Turqia ka numrin më të lartë të viktimave, me 2,921 të vdekur dhe 15,834 të plagosur. Ndërkohë, në Siri raportohet për 1,444 viktima dhe mbi 3 mijë të plagosur. Pasgoditjet nuk kanë ‘lënë të qetë’ Turqinë gjatë natës, ndërsa orët e para të mëngjesit u regjistrua një pasgoditje 5.6 ballë.

Yardım için İstanbul'dan Malatya’ya giden Mustafa Alıcı, yaşanan 7.6 büyüklüğündeki ikinci depremde enkaz altında kaldı. Alıcı, enkazdan bacağı kesilerek kurtarıldı. pic.twitter.com/0LuAVKZHS6

— ENSONHABER (@ensonhaber) February 7, 2023