Ngjarja e rëndë në Fushë Kosovë: Burri që ra nga një objekt dërgohet me urgjencë në QKUK

Gazeta Sinjali pak më parë raportoi për një ngjarje të rëndë që ka ndodhur sot në Fushë Kosovë ku një person dyshohet se ka rënë nga lartësia e një objekti.

Rastin për Sinjalin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila ka bërë me dije se viktima është i gjinisë mashkullore dhe i njëjti është dërguar me urgjencë në spital për shkak të lëndimeve që ka marrë.

“Sot rreth orës 13:40, kemi pranuar informatën se në rrugën “Gjergj Fishta” në Fushë Kosovë, një person (mashkull), ka pësuar lëndime trupore, i njëjti dyshohet se ka rënë prej një objekti. Personi i lënduar është dërguar për tretman mjekësor në QKUK. Në vendin e ngjarjes kanë dalë njësitet e nevojshme policore të cilët kanë filluar hetimet, në koordinim me prokurorinë dhe Inspektoriatin e Punës”, tha Ahmeti.