“Juventusi është si Luiz Ejlli në Itali”, perla e tifozit bëhet virale në rrjet

Gazmend Gashi, një tifoz i Juventusit, ishte i ftuar në “Dueli Sportiv”.

Në këtë emision që zhvillohet në Kosovë është diskutuar së tepërmi sa i përket dënimit me ulje pikësh për bardhezinjtë. Gashi ka ndërtuar krahasimin që solli jo pak të qeshura. Tifozi u shpreh se Juventusi në Itali është si Luiz Ejlli te Big Brother, të gjithë e kanë inat nga brenda pjesëtarëve të futbollit, por publiku e do.

“Inati është vetëm te Juventusi. Janë 20 ekipe dhe dënohet Juventusi. Juventusi në Itali është si Luizi në Big Brother. Të gjithë ia kanë inatin, por publiku e do. Nga një anë më mirë që po dënojnë Juventusin se iu bë fëmija për të shkuar në fakultet tifozëve të Interit dhe Milanit pa fituar asgjë”, tha Gashi.