E tmerrshme: 30-vjeçari tenton ta vret veten me thikë të kuzhinës, dërgohet në spital me emergjencë

Një ngjarje e rëndë ka ndodhur mbrëmë në lagjen Arbana në Prizren, ku një person dyshohet se ka tentuar t’i japë fund jetës së tij.

Burimet e Sinjalit brenda Emergjencës së Spitalit Rajonal në Prizren kanë bërë me dije se 30-vjeçari është dërguar atje, pasi që dyshohet se kishte tentuar të vetëvritet me thikë kuzhine.

Pas intervenimit të stafit mjekësor, gjendja e tij shëndetësore është stabilizuar dhe ai ndodhet jashtë rrezikut për jetë.

Lidhur me rastin është njoftuar edhe Policia e Kosovës, të cilët kanë dalë në vendin e ngjarjes dhe kanë kontaktuar me nënën e viktimës.

Nuk dihen motivet që shtynë të riun të bëjë këtë veprim.