Taravari: Qëllimi ynë është të bëhemi 80 deputetë

“Jemi të vetëdijshëm se ky afrim me qeverinë nënkupton përpjekjen tonë për të arritur 80 deputetë dhe asgjë më shumë”. Këtë e tha kreu i Aleancës për Shqiptarët, Arben Taravari, për hyrjen e partisë në qeveri. Në një intervistë për “Win-win”, Taravari tha se “periudha në të cilën jemi tani si shtet është ndryshe nga ajo para shkurtit të vitit 2022″.

Pushtimi i Ukrainës ndryshoi shumë, si dhe fillimi i skriningut të Maqedonisë dhe Shqipërisë me BE-në. Jemi të vetëdijshëm se ky afrim me qeverinë nënkupton përpjekjen tonë për të arritur 80 deputetë”, tha Taravari.

Ai vlerëson se partia më e madhe opozitare nuk mendon se nëse Maqedonia nuk i fillon negociatat me BE-në do të jetë edhe më tragjike për vendin dhe popullin.

“Me një numër prej 64 deputetësh është shumë më e vështirë të arrish 80, dhe me një numër konkret prej 72 plus BESË-n, që mendoj se do ta votonte si Aleanca, mungojnë edhe 6, por është shumë më e lehtë të arrihet nga 74 në 80”, thotë Taravari për ndryshimet kushtetuese.

Lidhur me bashkëpunimin me VMRO-DPMNE-në, ai tha se në nëntor ose dhjetor 2020, “Konrad Adenauer” i ka ulur të dyja partitë bashkë dhe gjatë asaj periudhe ASH ka kërkuar nga VMRO-DPMNE që të ndryshojë atë retorikë dhe atë formulim për bashkëpunim të mundshëm në zgjedhjet lokale në viti 2021.

“Ata ia dolën mbanë. Të paktën u përpoqën të deklarojnë se janë penduar për atë që ndodhi më 27 prill, se nuk e kanë problem 20 për qind, se bashkëjetesa është themeli i këtij vendi. Ne ramë dakord të bashkëpunojmë edhe me gjashtë komuna për zgjedhjet lokale, por kemi paguar një çmim shumë të për këtë”, tha Taravari.