“Shishe, plumba e xhama të thyer”, analiza e “The Guardian”: Çfarë ka lënë pas sulmi mbi Kongresin e Brazilit, portretet e ish-presidentëve ishin…

Pas sulmeve të protestuesve në Brazil ndaj godinave të institucioneve kryesore, të cilët kërkonin të mos njihej rezultati i zgjedhjeve që riktheu në postin e presidentit “Lulan”, kudo duken qartë gjurmë të shkatërrimit dhe kaosit.

Prestigjozja “The Guardian” vizitoi dy nga tre ndërtesat e plaçkitura në Brasília të hënën, 24 orë pas sulmit nga mbështetësit e ish-presidentit Jair Bolsonaro.

Në muzeun e senatit, në pllaka ende shkruhet: “Ju lutemi, mos e prekni veprën e artit. Por protestuesit i injoruan këto paralajmërime ndërsa hynë në dhomën e ekspozitës dhe filluan të shkatërronin qindra vjet të artit dhe historisë politike braziliane.

Portretet e ish-presidentëve të senatit Renan Calheiros dhe José Sarney ishin sulmuar me thikë.

Hyrja e zyrave të presidentit aktual të senatit, Rodrigo Pacheco, dukej si një bankë që ishte vënë në shënjestër të sulmuesve.

Në pallatin presidencial, kishte skena të ngjashme të shkatërrimit në masë.

Kalldrëmet ishin prishur nga hyrja, ku vetëm një javë më parë qindra të ftuar kishin festuar inaugurimin e Lulës dhe ajo që ata shpresonin se do të ishte një epokë e re progresive e pajtimit dhe mbrojtjes së mjedisit pas katër vitesh ndarjeje dhe urrejtjeje.

Pastruesit kaluan nëpër elementët dekorativë të ujit poshtë platformës së mermertë të pallatit duke përdorur rrjeta për të nxjerrë mbeturinat e kaosit të një dite më parë.

“Shishe xhami, plumba gome,” tha një nga punëtorët për objektet që u nxorën nga “pasqyra e ujit”, ndërsa pastrimi vazhdonte.

Turma nuk arriti të hynte në zyrat e presidentit Lula, por dhomat e tjera u plaçkitën.

Një nga ndihmësit më të afërt të Lulës, Celso Amorim, tha se zyra e tij dhe ajo e zonjës së parë të Brazilit, Rosângela Lula da Silva, ishin bastisur nga kryengritësit dhe mbi to mbizotëronte shkatërrimi.