Mban mbiemrin e së ëmës, vajza e Matteo Messina Denaro: Nuk dua ta shoh…

Vajza e Matteo Messina Denaro, Lorenza Alagna, 27 vjeç, ka deklaruar se nuk dëshiron ta shohë babanë e saj, as në burg dhe askund tjetër. Sipas mediave italiane kështu iu ka thënë 27 vjeçarja të afërmve të saj, nënës dhe partnerit Nino.

Vajza  ka lexuar gazetat online me foto dhe artikuj për të atin dhe u tha të afërmve se nuk donte të shihte me sy babain e saj.  Nga burime të familjes së Lorenza Alagna për “Il gazettino”, rezulton të jetë ky tani për tani vendimi i të resë.

Kush është Lorenza Alagna

Lorenza, vajza e Françeskës, është vajza e vetme zyrtare e bosit të mafies të arrestuar pas 30 vitesh në arrati.

Ajo jetoi në shtëpinë e gjyshes nga babai me të ëmën deri në vitin 2013, më pas së bashku vendosën të shkëputnin lidhjet e ngushta me familjen e Matteo Messina Denaro dhe të shkonin të jetonin diku tjetër.

Francesca, e cila mban mbiemrin e saj nga nëna, jeton në Castelvetrano dhe më 14 korrik 2021 u bë nënë e një fëmije që nuk ka të njëjtin mbiemër me gjyshin e tij.

Pasioni i Matteo Messina Denaro për femrat ishte i njohur. Ai kishte disa të dashura edhe kur ishte në arrati, të paktën pesë prej tyre u bënë publike.

Ndërkohë gjatë kohës që kurohej në spital, ai u kishte thënë mjekëve të klinikës së Palermos ku ishte operuar se “ka dy vajza, dhe se nuk ka të afërm të tjerë”./Opinion.al