Kërkoi masë të lehtë për shkak të shëndetit/ Vdes në ‘burg’ i arrestuari për …

Enver Sheshi, i arrestuar për përfshirje korruptive në inceneratorin e Fierit ka ndërruar jetë në urgjencën e spitalit të QSUT.

Mësohet se 59-vjeçari ndërroi jetë për shkak të një arresti kardiak. Ai ishte ndjerë keq në ambientet e burgut 313 që prej ditës së djeshme ku ka shfaqur probleme shëndetësore dhe ka ndërruar jetë pasi ka mbërritur në spital.

Për shkak të gjendjes shëndetësore, ai bëri disa herë kërkesë në Gjykatën e Posaçme në mënyrë që t’i ndryshohej masa e sigurisë ‘arrest me burg’ , por nuk u pranua.

Enver Sheshi ishte i akuzuar si pjesë e dosjes së inceneratorit të Fierit për veprën penale “Krijimi i skemave mashtruese në lidhje me tatimin mbi vlerën e shtuar”. Ai qenë më herët i arrestuar për mashtrimin me TVSH dënimin e së cilës e kishte kryer më herët.

Enver Sheshi u arrestua më 16 nëntor për inceneratorin e Fierit së bashku me 10 persona të tjerë./tch/