Çfarë po ndodh në BBV/ E eliminojnë një javë pas hyrjes por e rikthejnë sërish

Xhonatan Islami rikthehet në shtëpinë e “Big Brother VIP”, falë biletës së fatit, që ishte vajtje-ardhje.

Në nominim përballë Efit, Luizit dhe Armaldos, Xhoni ishte konkurrenti më pak i preferuar nga publiku, duke mbyllur kështu, më shpejt se sa e kishte menduar, eksperiencën në “BBV”.

Javën e kaluar, “Vëllai i Madh” nxorri automatikisht në nominim Xhonin, si dënim për shkeljen e një ndër rregullave kryesore të programit. Sapo u bë pjesë e shtëpisë. Ai i dha Oltës informacione nga jashtë, duke ndikuar në lojën e saj.

Banorët e mësuan sonte gjatë spektaklit se në nominim ishte dhe Xhoni, pasi “Vëllai i Madh” i kërkoi atij ta mbante sekret.