Aksident tragjik, autobusi me futbollistë bie nga ura

Një aksident tragjik ka ndodhur në Brazil. Një autobus me një ekip futbolli të rinjsh ra nga ura dhe për pasojë 4 persona kanë ndërruar jetë.

Mediat vendase raportojnë se në autobus ndodhej ekipi i të rinjve të Esporte Clube Vila Maria Helena. Në autobus udhëtonin 28 adoleshentë të moshës nga 14 deri në 17 vjeç dhe 4 të rritur, anëtarë të stafit të ekipit.

Autoritetet lokale kanë bërë të ditur se 24 personat e tjerë janë dërguar në spital. Shkaqet e aksidentit të rëndë janë ende të paqarta.