U transferua në Arabi por ja sa do të ta ketë pagën Ronaldo

Cristiano Ronaldo ka nënshkruar një marrëveshje 2-vjeçare me skuadrën e Arabisë Saudite, Al Nasr, duke u bërë sportisti më i paguar ndonjëherë.

Ylli portugez ishte një futbollist i lirë që kur e përfundoi kontratën me Mançester Junajtid në Nëntor.

Sipas mediave saudite, ai ka nënshkruar një kontratë me klubin e Al Nasr me vlerë 195 milionë Euro në vit, për dy sezonet e ardhshme.

Palët kanë qenë duke diskutuar për detajet e akordit në javët e fundit deri në arritjen e dakordësisë.

Sulmuesi 37-vjeçar kishte dëshirë që të transferohej në një klub europian ku të luante në Ligën e Kampionëve, por kjo ishte e pamundur, e në fund pranoi ofertën e lartë nga Arabia Saudite.

Por Cristiano Ronaldo do të vazhdojë që të jetë pjesë e futbollit saudit edhe më pas.

Ai pritet që të marrë rolin e ambasadorit të Arabisë Saudite, me shtetin arab që do të aplikojë bashkë me Egjiptin dhe Greqinë për të organizuar Botërorin në 2030.

Në total, Ronaldo do të përfitojë 1.35 miliardë Euro nga marrëveshja shtatë vjeçare.

Futbollisti e ka gjetur edhe banesën e re, që do të jetë në Al Muhamadiah, një nga zonat më të kërkuara të kryeqytetit Riad.

Zyrtarizimi pritet që të ndodhë në fundjavë nga klubi saudit. Sulmuesi 37-vjeçar ka kaluar edhe një pjesë të vizitave mjekësore.