Dalibor Jevtiq, kryetar i Shtërpces, ka thënë se ekziston mundësia që edhe serbët që jetojnë në jug të Kosovës të dalin nga institucionet, siç kanë vepruar serbët e Veriut të Kosovës.
Kjo pasi sipas Jevtiq, kryeministri i Kosovës, Albin Kurti “po i interpreton ligjet në mënyrën sesi i përshtaten”.
Ky deklarim vjen vetëm një ditë para se presidenti i Serbisë, Aleksandër Vuçiq të takohet në Beograd me emsiarin e BE-së për dialogun, Miroslav Lajçak.
Ai i ka thënë Tanjugt se “ligjet e vlefshme për të drejtat e komuniteteve serbe dhe të komuniteteve tjera joshumicë nuk respektohen në Kosovë”.
Po ashtu ka pretenduar pa prova se prej ditës që Albin Kurti është në pushtet jeta e serbëve dita-ditës “është vështirësuar”.
Po ashtu ai ka akuzuar ndërkombëtarët duke thënë se “nuk po e kryejnë punën ashtu siç duhet”.
“Vendimi për largim nga institucionet e kolegëve tanë nga veriu i Kosovës është marrë në kohën kur nuk kishim më rrugëdalje nga të gjitha presionet që i pësuam jo vetëm ne, por edhe shteti i Serbisë dhe presidenti Aleksandar Vuçiq. , dhe në këtë kuptim ishte një mesazh i qartë se diçka duhet bërë të ndryshojë në atë marrëdhënie dhe në të gjithë situatën që po ndodh në Kosovë ”, ka thënë Jevtiq.
Teksa ka hedhur akuza mbi kryeministrin Kurti, Jevtiq, ka thënë se ligjet e Kosovës për komuniteti serb “nuk respektohen”.
“Aty ligjet trajtohen si një shuplakë, Kurti i trajton në atë mënyrë që merr atë që i pëlqen, injorohet gjithçka që ka të bëjë me të drejtat e serbëve, dhe nga ana tjetër ai i interpreton ligjet në atë mënyrë që i përshtatet në mënyrë diktatoriale”, ka akuzuar ai.
Sipas tij serbët e Jugut të Kosovës janë afër vijave të kuqe.
“Sa i përket nesh në jug të Ibrit, mendoj se jemi afër atyre vijave të kuqe. Vendimi i fundit, injorimi i plotë i së drejtës kushtetuese që garanton përfaqësimin e serbëve në institucionet në nivelin qendror të qeverisë, është diçka. kjo na ka vënë në një pozitë ku nuk jemi larg vendimit që ne, në jug të Ibrit, të largohemi nga institucionet e Kosovës”.
Ai e ka cilësuar anti-kushtetutes emërimin e Nenad Rashiqit në pozitën e ministrit për Kthim dhe Komunitete, duke bërë që ta mendojnë largimin nga institucionet.
