Connect with us

Bota

Shpërthejnë trazirat në Bruksel pas humbjes shokuese të Belgjikës ndaj Marokut (Video)

Published

on

Një trazirë shpërtheu sot në rrugët e Brukselit gjatë ndeshjes së Kampionatit Botëror mes Belgjikës dhe Marokut.

Policët u vërsulën me topa uji dhe hodhën gaz lotsjellës, ndërsa tifozët e tërbuar të futbollit hodhën fishekzjarre, thyenin makina dhe u vunë flakën skuterëve.

Rreth 100 policë u përplasën me përkrahësit belg në kryeqytet gjatë lojës – e cila përfundoi me një humbje 2-0 për Belgjikën në Katar.

Kaos ka shpërthyer në rrugët e Brukselit gjatë ndeshjes së Belgjikës dhe Marokut

Pamjet tronditëse treguan makina që digjen në mes të rrugës dhe tifozët e tërbuar që thyenin xhama përpara se ta përmbysnin ato.

Video të tjera treguan mbështetësit marokenë të veshur me flamuj teksa vraponin nëpër rrugë.

Kryetari i bashkisë së Brukselit, Philippe Close dënoi dhunën dhe paralajmëroi njerëzit që të mos vijnë në qendër të qytetit.

Kryebashkiaku i Brukselit dënoi trazirat

Ai tha se ka urdhëruar policët të bëjnë arrestime.

“I dënoj fuqishëm incidentet që ndodhën pasditen e sotme”, deklaroi ai. “Policia tashmë ka vepruar ashpër, prandaj i këshilloj mbështetësit të mos vijnë në qendër.

Policia thuhet se është vendosur në shesin e Krishtlindjeve në kryeqytetin belg mes frikës për dhunë të mëtejshme.

Tensionet ishin rritur tashmë para fillimit të ndeshjes të së dielës, ndërsa fishekzjarre u hodhën pranë stacionit hekurudhor.

NA NDIQ NË FACEBOOK