Ish-i i Juves dhe Italisë merr vendimin për t’i dhënë fund karrierës si futbollist

Domenico Criscito la vendosur të tërhiqet nga futbolli i luajtur në moshën 35-vjeçare. Jo më futboll për italianin, njoftimi zyrtar erdhi të martën vonë nga Toronto. Kështu shpjegohet arsyeja e divorcit të papritur mes klubit kanadez dhe ish-kapitenit të Genovas, i cili u kthye papritur në Itali.

“Faleminderit shumë, Toronto FC, për këta gjashtë muaj të bukur. Unë dhe familja ime u kënaqëm në këtë qytet të pabesueshëm dhe u ndjemë pjesë e kësaj familjeje të madhe që nga dita e parë – tha Criscito përmes faqes së internetit të klubit kanadez – Për mua është koha për t’u larguar dhe kuptuar se çfarë mund të bëj për të ardhmen time. Faleminderit dhe “All For One.”

Criscito ka dhe një përvojë të shkurtër me Juventusin, por më shumë vlerësohet për kontributin që ka dhënë te Genoa. Gjithashtu numëron 26 paraqitje me përfaqësuesen italiane.