Artikulli me titullin “Familjarët e Deputetit të VV-Së ‘Kapin’ Tender 4 Milionësh Në KEK për punë që s’janë të specializuar”, i publikuar gjatë ditës së djeshme në portalin ‘Nacionale’ të Berat Buzhalës, ku u përfshi edhe deputeti i Lëvizjes Vetëvendosje, Enver Haliti si përfitues, u demntua nga vet Haliti gjatë mbrëmjes së sotme.
Përmes një postimi në facebook, deputeti Haliti ka thënë se edhe pse ky artikull është fshirë pas disa ore nga portali në fjalë, sipas tij dëmi ndaj Halitit është shkaktuar.
Duke shtuar se lajmi në fjalë ende sillet në disa portale të tjera, deputeti Haliti ka thënë se ditëve në vijim do të dorëzojë padi për shpifje dhe për dëmtim të imazhit tij.
Ndryshe, artikullin në fjalë, portali ‘Nacionale’, e kishte fshirë disa orë pas publikimit dhe gjatë mbrëmjes të së hënës, ka publikuar një tjetër artikull me titullin “Korrigjim i artikullit të datës 13 nëntor – Kompania Ballkan Petrol ishte më e lira në tenderin e fituar në KEK”
Kujtojmë se ky nuk është rasti i parë ku portali ‘Nacioanle’ i Berat Buzhalës demantohet për artikuj të rremë.
Më poshtë mund t’i gjeni disa prej tyre:
