Ja kush është i riu nga Kumanova që dyshohet sa është mbytur në lumin vardar në Zhelinë

E.R i lindur në vitin 2000 mësohet se është personi i cili sot me veturën e tij Golf ra nga ura në lumin vardar në Zhelinë. Familjarët sot kanë qenë në vendin e ngjarjes duke dëshmuar se bëhet fjalë për personin E.R.

Nga ana tjetër Komandanti i Zjarrfikësve të Tetovës, Avni Ameti thotë se deri tani sipas informacioneve në veturën Golf e cila ka ra në lumin vardar në Zhelinë ka qenë një person nga Kumanova.

“Sipas informacioneve të familjarëve deri tani vetëm një person dyshohet se është mbytur. Ne vazhdojmë të kërkojmë, jemi të gjithë ekipet edhe nga njësia zhytëse nga Manastiri, ekipet e policisë, njësiti i zjarrfikësve” u shpreh Amet, transmeton TS.

Shkaku i ujit të madh dhe të turbullt kërkimet vështirsohen dhe është e pamundut të gjendet.

Nga policia dhe prokuroria ende nuk ka ndonjë informacion zyrtarë. Kërkimet edhe zyrarisht janë ndërprerë sot dhe pritet të vazhdojnë gjatë ditës së nesërme.