Haaland tregon pse zgjodhi Manchester Cityn

Erling Haaland ka thënë se nuk kishte nevojë për bindje që t’i bashkohet Manchester Cityt, pasi vendosi të largohej nga Borussia Dortmund.

22-vjeçari kishte zgjedhjen e skuadrave elitare të Evropës kur e bëri të qartë se donte një sfidë të re në mes të sezonit të kaluar. Disa muaj më vonë, ai ishte rrugës për në Manchester City, në anën për të cilën babai i tij – Alfie – luajti në vitet e rinisë.

Koha e babit të Erling në klub ishte një nga arsyet që ai zgjodhi të bënte lëvizjen në veriperëndim, por shansi për të bashkëpunuar nën trajnerin Pep Guardiola ishte një motivim edhe më i madh.

Në një intervistë, Haaland shprehu mjaft lëvdata për ish-trajnerin e Barcelonës, për cilësinë e tij të stërvitjes dhe stilin e lojës që ai ka adoptuar gjatë karrierës së tij si trajner, shkruan Goal, transmeton Klankosova.tv.

“Pep është një trajner special dhe kjo ishte shumë e rëndësishme për mua. Ne të gjithë e dimë se çfarë ka bërë ai për klubet e tij, por edhe për lojtarët dhe për lojën në përgjithësi. Kjo është diçka ku unë dua të jem pjesë. Mendoj se mund të argëtohemi shumë së bashku”, tha Halaand.

“Objektet rreth nesh, stafi, njerëzit përreth klubit, është një organizatë e madhe. Është një klub shumë profesionist, bën gjithçka në një mënyrë të mirë për të ndihmuar lojtarët”.

The post Haaland tregon pse zgjodhi Manchester Cityn appeared first on Klan Kosova.