Connect with us

Kosovë

Sunny Hill kthehet në Prishtinë por do të mbahet edhe në Tiranë

Published

on

Zhurmë e madhe u shkaktua ditë më parë kur drejtuesit e festivalit “Sunny Hill” njoftuan se sipas tyre për shkak të neglizhencës institucionale, festivalin do të zhvendosnin në Tiranë.

Për këtë njoftoi asokohe edhe babai i yllit botëror të muzikës Dua Lipa, Dukagjin Lipa ku përmes një letre të hapur njoftoi institucionet që festivali do të zhvendoset nga Prishtina në Tiranë.

Por tashmë, drejtues të festivalit bashkë me Qeverinë e Komunën, kanë bashkuar forcat që ky festival të mbahet në kryeqytetin kosovar.

Njoftimi i plotë i Komunës së Prishtinës:

Deklaratë e përbashkët e Ministrisë së Kulturës (në emër të Qeverisë së Kosovës), Komunës së Prishtinës dhe Sunny Hill Festival.

Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022.

Qeveria e Kosovës, Komuna e Prishtinës dhe Sunny Hill Festival bashkojnë forcat për një edicion të mrekullueshëm të festivalit sivjet, aty ku e ka vendin, në Prishtinë.

Institucionet qëndrore dhe lokale bashkarisht, sipas mandatit që kanë do të ofrojnë mbështetje të plotë për edicionin e sivjetmë, i cili do të mbahet në një lokacion të përshtatshëm.

Të gjithë shprehin gatishmërinë që çështja e shfrytëzimit afatgjatë të tokës të diskutohet edhe pak kohë deri në gjetjen e një zgjidhjeje të qëndrueshme.

Synimi i përbashkët është që nga viti i ardhshëm, festivali Sunny Hill të organizohet në lokacionin e vet afatgjatë.

Në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht.

Në Prishtinë, Sunny Hill Festival për këtë vit ka përgatitur lineup-in më të fuqishëm nga festivalet e rajonit ku përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion pritet të zbulohen edhe dy artistë shumë të mëdhenj botëror.

Një verë e jashtëzakonshme i pret të gjithë shqiptarët në Prishtinë dhe në Tiranë.

NA NDIQ NË FACEBOOK

Click Here To Join Native Media