Pendarovski: Nëse OBRM-PDUKM vjen në pushtet nuk do të bëjnë marrëveshje me Bullgarinë

Kryetari i OBRM-PDUKM-së, Hristijan Mickoski ka të drejtë kur thotë se nuk e përkrah hapjen e Kushtetutës për përfshirjen e bullgarëve, nëse nuk kemi garanci me shkrim. Këtë e kam thënë prej muajsh. Nuk është problem të përfshihen kroatët, malazezët, ne kemi përfshirë popuj të tjerë, do të përfshijmë edhe bullgarët, por cila është garancia.

Është turp të hapësh Kushtetutën çdo të hënë. Ky është sovraniteti, shenja e një shteti. Të bësh shaka dhe ta hapësh atë çdo dy javë nuk është e korrekte. Prandaj ju lus nëse jeni serioz në këtë synim, të më konfirmoni dhe të nënshkruani se kjo është pjesa e fundit, që të mos bëni më veto, thotë presidenti Stevo Pendarovski në emisionin “Samo Vistina”.

Lidhur me kërkesën e opozitës për të njoftuar se çfarë po negociohet me Bullgarinë, Pendarovski thotë se është legjitime që opozita të kërkojë.

“Po të isha opozitë do të pyesja. Kjo nuk mund të fshihet. Duhet të ratifikohet nga Kuvendi. Nuk mund të fshihet me sukses, nuk është e mundur”, tha Presidenti.

Pendarovski beson se nëse OBRM-PDUKM vjen në pushtet, nuk do të arrihet marrëveshje me Bullgarinë.

“Ju siguroj se me qëndrimin e tyre aktual nuk do të zbatojnë asgjë nga viti 2017. Dashtë Zoti të jem gabim, por e di se çfarë thuhet tani. Me këto pikëpamje ju nuk po bëni marrëveshje me Bullgarinë”, tha Presidenti./Telegrafi/

The post Pendarovski: Nëse OBRM-PDUKM vjen në pushtet nuk do të bëjnë marrëveshje me Bullgarinë appeared first on InfoShqip.com.