Yuri Kim paralajmëron Berishën: askush nuk …

Ambasadorja e SHBA-ve në Shqipëri, Yuri Kim ka zhvilluar një takim me drejtuesin e SPAK, Arben Kraja, ku ka  përgëzuar prokurorët dhe hetuesit për punën e bërë në kuadrin e reformës në drejtësi.

Nëpërmjet një postimi në Twitter ambasadorja amerikane shkruan se askush nuk është mbi ligjin, gjë që sipas saj duket nga numri i lartë i hetimeve, ndjekjeve penale dhe konfiskimeve të pasurisë që po kryen nga drejtësia shqiptare.

Ndër të tjera Kim shkruan se Amerika do të vazhdojë të mbështesë fuqishëm reformën në drejtësi, për t’i dhënë fund pandëshkueshmërisë dhe për të vënë para  drejtësisë zyrtarët e korruptuar dhe krimin e organizuar.

“Kjo është e nevojshme për të përmbushur kërkesat e BE-së si dhe kërkesave të të gjithë njerëzve për drejtësi”, shkruan ambasadorja amerikane në Twitter.