“Sot zotëri Xhaferi na rëndoi”, reagojnë familjarët e viktimave të tragjedisë në Bullgari

Letra i një familjari të njërit nga viktimave që humbi jetën në aksidentin në Bullgari, kanë kërkuar llogari dhe vetëm të vtetën lidhur me rastin.

Postimi i plotë i Muhedin Bravas:

“Ne familjarët e viktimave që humbën jetën në tragjedinë e autobusit në Bullgari, tani që nuk i kemi më të dashurit tanë, kërkojmë vetëm të vërtetën dhe drejtësinë.

Për këtë qëllim kërkuam që në Kuvend Komisioni anketues të mbajë mbledhje për të drejtat dhe liritë e njeriut. Por, sot morëm përgjigjen se këtë mbledhje edhe pse Kryetari i Komisionit, Halil Snopçe, e kishte thirrur, Kryetari i Kuvendit, Talat Xhaferi, e ka anuluar.

Ju kujtojmë se deputetët janë të dërguarit tanë në Kuvend dhe ata duhet të jenë zëri ynë dhe mbrojtësit tanë. Ne kërkojmë vetëm të vërtetën dhe drejtësinë, ndërsa vendimet e këtilla i vlerësojmë si tentim për të fshehur të njëjtën.

Sot zotëri Xhaferi na rëndoi edhe më shumë dhimbjen dhe e pyesim publikisht, përse i pengon e vërteta, kë dëshiron ta mbrojë ai dhe pse nuk lejon hetim parlamentar? ——-

Letër publike drejtuar opinionit nga familjarët e viktimave që humbën jetën në tragjedinë e autobusit në Bullgari.” shkruan ai.

The post “Sot zotëri Xhaferi na rëndoi”, reagojnë familjarët e viktimave të tragjedisë në Bullgari appeared first on InfoShqip.com.