Berisha: Kim dështim i paralajmëruar

Lideri historik i PD-së, Sali Berisha ka folur për mediat, pas mbledhjes së Komisionit të Rithemelimit.

Gazetarët kanë këmbëngulur në lidhje me deklaratën e djeshme të Yuri Kim, që shkruante se kishte takuar Enkelejd Alibeajn si ushtrues detyre i kryetarit të PD-së, Berisha tha se ishte një dështim i paralajmëruar i saj.  

Shpreh kënaqësinë e madhe se çdo shqiptar e sheh dhe e ka të qartë se në ç’gjendje ka qenë PD, sikur të ishte një seksion i Guvernatores’, theksoi Berisha.

Ishte një dështim i paralajmëruar. Siç e dini, Guvernatorja Kim ka lënë mënjanë rolin e ambasadores që në përputhje me Konventën e Vjenës nuk ka asnjë tagër të hyjë në jetën e brendshme të një force politike.

Shpreh kënaqësinë e madhe se çdo shqiptar e sheh dhe e ka të qartë se në ç’gjendje ka qenë PD, sikur të ishte një seksion i Guvernatores. Zonja në fjalë shkel çdo rregull. Preferon për shkaqe të terrenit që ka gjetur te Edi Rama dhe Lulzim Basha që të bëjë atë rol që i ka caktuar vetes.

Grupi parlamentar është legjitim. Komisioni i Rithemelimit i votuar nga 4900 anëtarë është plotësisht legjitim. Dy janë forumet politik kryesor, drejtues i PD-së është Komisioni i Rithemelimit. Grup parlamentar ka dhe do të ketë, dhe Kuvendi i 11 dhjetorit është jashtë çdo diskutimi dhe vendimet e tij janë të padiskutueshme’, – tha gjatë deklaratës për mediat, lideri historik i PD-së, Sali Berisha.