VIDEO/ 9 humbje jete nga bombardimet në Kharkiv, Zelensky: Ishte krim lufte

Bombat shënjestruan qytetin e dytë më të rëndësishëm, pas Kievit, atë të Kharkiv, dhe nëntë persona, ndër to tre fëmijë, mbetën të vrarë.

Shpërthimi shkatërroi një ndërtesë qeveritare, sipas videove të incidentit të postuara nga Ministria e Punëve të Jashtme të Ukrainës (MOFA). Në videot e postuara duken pasojat e sulmit.

Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n

— Dmytro Kuleba (@DmytroKuleba) March 1, 2022

Presidenti Zelensky ka reaguar pas sulmit me raketa në Kharkiv duke e përshkruar bombardimin si krim lufte dhe tha se kishte dëshmi të dëshmitarëve okularë se civilët ishin bombarduar qëllimisht.

“Ishte qartë një krim lufte. Ai është qytet paqësor. Është zonë banimi paqësore. Nuk ka objekte ushtarake. Dhjetëra të dhëna të dëshmitarëve okularë dëshmojnë se ishte një shkatërrim i qëllimshëm i njerëzve. Rusët e dinin se ku po qëllonin”, tha ai.

Ndërtesa e bombarduar ndodhet në “Sheshin e Lirisë”, sheshin kryesor të Kharkiv.