Tregimi për dy ujqër:lexohet për 10 sekonda,por mësimi mbetët i përhershëm

Ishin ulur njëherë, para shtëpisë së tyre, një indian i vjetër dhe nipi i tij i ri, dhe po bisedonin. ‎Gjyshi u përpoq që t’i jepte sa më shumë urtësi dhe dije vogëlushit dhe kështu ta përgatiste ‎për jetën që ishte para tij. Kjo është arsyeja pse ai ia tregoi atij edhe këtë tregim.‎

‎- Në brendi të çdo njeriu zhvillohet një betejë e pandërprerë.

Kjo është për shkak se në veten ‎tonë jetojnë dy ujqër – e filloi tregimin indiani i mençur.‎

‎– Si dy ujqër? – E pyeti djaloshi i vogël.‎

‎- Njëri ujk është i keq! Këto janë frika, zemërimi, zilia, indinjata, krenaria e rreme, lakmia, egoja, ‎por edhe pikëllimi, arroganca, vetë-keqardhje dhe faji. ‎

‎- Gjithashtu ekziston edhe ujku i mirë! Këto janë gëzimi, qetësia, dashuria, shpresa, ‎kthjelltësia, mirësia, dhembshuria, bujaria, e vërteta dhe besimi – ia mësonte indiani i vjetër.‎

‎- Dhe … Cili ujk fiton? – pyeti nipi pa frymë.‎

‎- Ai të cilin e ushqen më shumë – u përgjigj shkurt gjyshi i mençur.‎

Përkthim: MIFTAR AJDINI