Shpërthimet në Shkodër/ Tritol në biznesin e Xhemal Bushatit (Pamjet)

Një prej dy bizneseve në Shkodër, ku në orët e para të mëngjesin është vendosur lëndë plasëse, është në pronësitë Xhemal Bushatit. Ky i fundit garoi në zgjedhjet e pjesshme lokale të 6 Marsit për Shkodrën, nën siglën e PD-së.

Nga shpërthimi nuk ka të lënduar.

“Rreth orës 02:20, në derën e supermarketit në pronësi të shtetasit F.M. në lagjen ‘Kongresi i Permetit’ si dhe në derën e një biznesi tjetër privat butik rrobash në pronësi të shtetasit Xh.B. (Xhemal Bushati) në lagjen ‘Vasil Shanto’, është vendosur lëndë plasëse dhe si pasojë e shpërthimit të tyre kanë shkaktuar vetëm dëme materiale”, njoftoi policia.

“Grupi hetimor nën drejtimin e Prokurorisë vijon veprimet duke administruar çdo provë dhe duke vlerësuar çdo informacion, me qëllim zbardhjen e plotë të ngjarjeve, identifikimin dhe kapjen e autorit/ëve”, shtuan të njëjtat burime.

Shpërthimi i parë është dëgjuar rreth orës 02:20 në supermarketin SPAR dhe pas rreth 10 minutash është dëgjuar edhe shpërthimi tjetër në biznesin “LC Waikiki” në pronësi të Xhemal Bushatit.

Vetë Bushati jeton në katin e tretë të objektit ku ndodhi shpërthimi, ndërsa biznesin e kishte në katin e parë.