Aksioni antidrogë në Itali, arrestohet këngëtarja shqiptare

Këngëtarja e njohur shqiptare Elsa Lila është arrestuar në Itali pas kapjes së drogës

Elsa Lila, këngëtarja e njohur shqiptare, ndodhet tani pas hekurave pas një goditjeje nga policia ndaj një rrjeti të organizuar të drogës në Itali.

La Repubblica raporton se Lila ishte mes 9 shtetasve të tjerë shqiptarë dhe italianë që u arrestuan mëngjesin e sotëm në kryeqytetin e Romës.

Bashkë me 40-vjeçaren është arrestuar edhe boksieri i njohur shqiptar Petrit Bardhi i njohur si Titi.

Sipas hetuesve italianë të antimafias, grupi italo-shqiptar, ishte përfshirë në lloje të ndryshme pazaresh droge në kryeqytet.

Një tjetër anëtar i grupit me qendër në Acilia, sipas shtypit italian, ishte Arben Zogu – një mafioz famëkeq i njohur nga forcat e rendit italian.

Për të kamufluar aktivitetet e tyre të paligjshme, grupi kishte krijuar një front si një kompani që shpërndante pajisje elektronike për sallonet e lojërave të fatit.