Gjuajtje me vezë dhe dyer të thyera në shtëpinë ku u shpërngulën anëtarët e grupit hebre në Kumanovë

Ne duam të ndihemi të sigurt, por njerëzit vijnë këtu dhe na gjuajnë, tha për “Telma” një nga anëtarët e grupit fetar hebre Lev Tahor të cilët janë të vendosur në dy shtëpi në Kumanovë. Mbrëmë në njërën prej objekteve janë hedhur vezë dhe sende të forta, ndërsa në mëngjesin e sotëm ka mbetur ende gjurmë nga ai sulm ndaj popullatës lokale.

Gjurmët e vezëve të hedhura ishin ende para njërës prej shtëpive ku po qëndrojnë anëtarët e grupit hebre, të cilët që nga e enjtja ndodhen në Kumanovë, përcjell Telegrafi Maqedoni.

Mbrëmë një grup i madh të rinjsh janë mbledhur para shtëpisë dhe kanë bërtitur të ardhurit, kanë hedhur vezë dhe gurë në objekt, dëshmojnë për “Telma” disa nga fqinjët që nuk duan të japin deklaratë para kamera. Edhe porta metalike e hyrjes sot u shkul. Një nga anëtarët e këtij grupi fetar hebre hapi derën e shtëpisë dhe bisedoi me gazetarin e “Telma”. Pyetja e parë është nëse ata ndihen të sigurt.

Anëtari i Lev Tahor: Ne duam të ndihemi të sigurt, por për momentin nuk di si të ndihem i sigurt sepse njerëzit vijnë këtu dhe ..

Ata janë të vendosur në dy shtëpi, në njërën janë burra, në tjetrën janë gra dhe fëmijë.

Një nga drejtuesit e tyre, Goldman, pretendon se është në Kanada dhe konfirmoi për “Telma” përmes “WhatsApp-it” se ata i përkasin grupit Lev Tahor, një grup fetar i diskutueshëm hebre, anëtarët e të cilit lëvizin vazhdimisht nga një vend në tjetrin.

Madje ka pasur hetime për abuzimin dhe skllavërinë e fëmijëve në Shtetet e Bashkuara, por Goldman përmes “WhatsApp-it” thotë se ata janë paqësorë dhe jetojnë sipas rregullave tradicionale fetare hebraike.