Allahu është mbështetës për gjithsecilin

Emri i Allahut Es-Samed “mbështetës për gjithsecilin” përmendet vetëm njëherë në Kuran dhe atë në suren Ihlas dhe na jep një përshkrim të plotë të Zotit tonë. Na zbulon se Allahu është plotësisht i pavarur nga çdo gjë, por në të njëjtën kohë i lidhur me të gjitha krijesat si dhe të gjitha krijesat janë të varura prej Tij.

Ai është fillimi dhe mbarimi i çdo gjëje dhe gjithçka Atij i kthehet. Madhështia e Tij është aq e madhe sa nuk mund të tregohet, fuqia e Tij është aq e madhe sa nuk mund të përshkruhet, ndërsa mirësitë e Tij janë aq të shumta sa nuk mund të t’ju vendoset kufij.

Është fakt se Zoti i jep jetë gjithë qenieve të gjalla dhe i di të gjitha nevojat e tyre. Gjithashtu, Ai mban gjithçka në jetë, sepse pa mbështetjen e tij asgjë nuk do të mbijetonte. Nuk mund të gjendet as edhe një atom i vogël që mund të mbijetojë vetvetiu, nëse nuk e përmban  Ai. Ai nuk varet nga asgjë dhe askush, ndërsa i fton njerëzit ti kthehen Atij. Çka mund të jetë qëllimi i kësaj ftese, përveç se t’u dhurojë dhe tu jap? Zoti është mbështetës  për gjithsecilin dhe na fton që mbështetjen ta kërkojmë vetëm  tek Ai.

Ai i fton njerëzit që ti kthehen Atij  për ndihmë dhe gjitha nevojat ti kërkojnë nga Ai, sepse tek Zoti janë thesaret e pashtershme, ndërsa Ai askujt nuk i jep llogari për furnizimin që ia jep kujtdo.

Allahu i Madhërishëm i përmendi njerëzit tek melekët para se ti krijojë dhe para se njerëzit  ta përmendin Atë. I dha çdo njeriu aq begati edhe para se ai ta njohë dhe ta lus. Është i mëshirshëm ndaj çdo njeriu edhe para se njeriu të kërkojë mëshirë dhe ta lus. Pra, si ka mundësi që të kërkojmë mbështetje diku tjetër jashtë se tek Zoti.

Zoti Fisnik dëgjon çdo  psherëtimë, çdo lutje, di çdo mendim dhe sheh çdo vepër. I përgjigjet atij që e lut sepse Zoti ynë është afër. Njerëzit kanë nevojë për ndihmës dhe mbrojtës, ndërsa ndihmës dhe mbrojtës më të mirë se Allahu i Mëshirshëm nuk ka. As mbështetës më të mirë se Allahu nuk ka, sepse Ai është mbështetja e përjetshme. Atij gjithçka i kthehet dhe vetëm tek Ai mund të gjendet shpëtimi ynë i përjetshëm.

Përktheu: Arsim Dauti

Islampress