Gazment Bardhi i bën autogol Bashës: E akuzoi si kriminel por del mik i familjes Basha

Në një deklaratë zyrtare për mediat, sekretari i Përgjithshëm i PD, Gazment Bardhi, lëshoi akuzatë drejtëpërdrejta ndaj ish kryeministrit, Sali Berisha duke thënë se ky i fundit shoqërohej nga persona me precedent kriminalë në Mbretërinë e Bashkuar.

Pasi u pyet për emra, Bardhi tha se njëri prej këtyre personave quhej Myftar Lumneshi. Sipas burimeve të Fax News, ky shtetas rezulton të jetë një mik familjar i Lulzim Bashës dhe kjo duket edhe nga fotot e siguruara më poshtë, ku Lumneshi shihet në miting edhe me Aurela Bashën që është bashkëshortja e kreut të PD. 

Në një situatë të tillë, kur të dyja kahet sulmojnë njëri tjetrin, kanë filluar që vazhdimisht të thuhen emra të personave të ndryshëm duke i emërtuar si “element kriminalë”, por në fakt pas disa hulumtimeve të bëra në rrjet rezulton që këta persona kanë qenë edhe miq të zyrtarëve të lartë të PD dhe deri më tani nuk janë publikuar fakte të cilat i paraqesin këta persona si të inkriminuar.