Basha: Berisha e kaloi vijën e kuqe me 8 janar

Lulzim Basha, i shkarkuar si Kryetar i PD-së me votat e mbi 43 mijë demokratëve, ka zhvilluar një takim në Fier me një grup qytetarësh, që u prezantuan se demokratët e ndershëm dhe me karakter.

Basha tha se në datën 8 janar me dhunën e ushtruar, ish kryeministri, Sali Berisha kishte kaluar vijën e kuqe.

Teksa tha se askush nuk mund të hynte me dhunë në selinë e PD, Basha u kërkoi gjithashtu qytetarëve që ta mbështesnin në vazhdim dhe të mos hiqnin dorë nga shpresa.

“Në 8 janar u kalua një vijë e kuqe. Dhuna nuk është mjet i demokratëve. Nuk mund të detyrohen me dhunë demokratët. Përgjigjia jonë ka qenë dhe do jetë e fuqishme por brenda shtëpisë tonë askush nuk mund t’i mbivendoset dikujt tjetër.

Ju ftoj të gjithëve juve, dhe të gjithë demkkratëve me të cilët do takohem në vazhdim, le ta lëmë të shkuarën pas sepse kemi zgjedhur të ardhmen dhe kemi detyra të mëdha përpara. Ne duam që shumicës t’i kthejmë shpresën dhe t’i themi mos u dorëzoni për shkak të pakicës”, tha Basha.

Ai ftoi shqiptarët që ti bashkohen “Aleancës qytetare për demokraci”, pavarësisht nëse janë ose anëtarë të PD.

Lulzim Basha tha sot se me vettigun e politikanëve do t’i jepet fund dominimit të asaj që ai e quajti ‘ 3 dinozaurët e tranzicionit’, duke iu referuar Sali Berishës, Edi Ramës dhe Ilir Metës.

“Zëri i tyre do të dëgjohet. Të hapim një faqe që duhet të ishte hapur dekada më parë, atë të pluralizmit të vërtetë. Shqipëria dhe politika e shqiptarëve nuk i takojnë më 3 dinozarëve të tranzicionit. Dhe për këtë duhet të bëjmë sa më parë vettingun e politikanëve. Secili prej brinjëve të trëkëndëshit të Bermudës ka arsyet e veta se pse nuk e do vettingun. Kjo do ta ndajë thashethemin nga e vërteta”, tha Basha, duke thënë se në djall të shkojë e shkuara pasi shqiptarët do të ecin para”, tha Basha.