Artan Hoxha publikon foton: Nga ky vend do nxirrej Basha nga zyra, me urë të sajuar

TIRANË– Gazetari investigativ Artan Hoxha ka treguar planin dhe mënyrën se si ishte planifikuar për tu nxjerrë nga zyra kryedemokrati Lulzim Basha. I ftuar në “Opinion”, Hoxha nxorri pamjet dhe tha se gardianët do të sajonin një urë për ta nxjerrë Bashën nga Selia.

Më pas, Hoxha shtoi se kryedemokrati do të kalonte tek Kuvendi, si një zonë që e ka pranë dhe është e sigurtë gjithashtu për të. 

“Me një urë të sajuar po themi. Nga ky vend do të nxirrej kryetari i Partisë Demokratike nga zyra dhe do të kalohej në Kuvend. Sepse Kuvendi është më afër aty pranë dhe i sigurtë gjithashtu po themi. Në dy momente është nisur për ta bërë, por nuk e bëri. Kishte garanci që do të ndërhynte policia,”- tha Hoxha.