“Festival i votës së lirë” e quan ish-kryeministri Sali Berisha referendumin e plafinifikuar të zhvillohet nesër në degët e Partisë Demokratike.
Berisha shprehet se në këtë referendum, jetike është vota e lirë e anëtarësisë së PD.
Në një postim në rrjetet sociale, ai drejton këtë mesazh edhe komisionerëve të referendumit.
Berisha shkruan:
Drejtuar komisionerëve të Referendumit të Shpresës
Një përshendetje të përzemert të gjithë ju komisionereve dhe komisionerëve te qendrave te votimit. Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim. Per ne, rëndësi përcaktuese dhe absolute në këtë festival të votës së lirë ka mbi të gjitha, transparenca e procesit dhe administrimi me korrektesë absolute i çdo vote. Në këtë referendum jetike është vota e lirë e anëtarësisë të PD! Suksese! sb
