Keqpërdori pozitën zyrtare, paditet një 63-vjeçar!

Sektori i Punëve të Brendshme në Ohër ka parashtruar padi penale kundër N.Sh. (63) nga Ohri për shkak të ekzistimit të dyshimit për kryerjen e veprës penale “keqpërdorim të pozitës dhe autorizimit zyrtar”.

“Ai, duke keqpërdorur pozitën e tij si i punësuar në Inspektoratin Shtetëror sanitar – shëndetësor, gjatë periudhës prej 2016 deri 2019 në 47 objekte juridike në mënyrë të paautorizuar ka lëshuar procesverbale për shkatërrim të produkteve shëndetësore, me çka u ka mundësuar të parashtrojnë kërkesë për kthim të TVSh-së”, thuhet në njoftimin e SPB Ohër, transmeton TV21.