FOTO/ Si u kapën 100 mln lira drogë nga Shqipëria në Turqi, 200 forca policie në operacion

Autoritetet turke sekuestruan dje një sasi prej 1.5 ton kanabis, e cila ishte trafikuar nga Shqipëria. Media turke ka publikuar detaje nga operacioni i zhvilluar në Mugla, ku morën pjesë 200 forca policore.

Policia turke arrestoi 3 personat në momentin që po tentonin ta transportonin drogën me kamion drejt një magazine. Tre të arrestuarit janë turq.

Nëse droga do të dilte në treg, po sipas mediave turke, do të kapte vlerën e 100 mln lirave.

Trafikantët u gjurmuan hap pas hapi pas informacioneve që kishin autoritetet turke për lëvizjen. Tre turqit e arrestuar po merren në pyetje në Izmir për të zbërthyer rrjetin.

Policia turke kishte informacion që gjatë këtyre ditëve do të dërgohej një sasi e madhe droge nga Shqipëria në Turqi dhe kështu nisi kontrollin e territorit.

Gjatë mëngjesit të djeshëm, policia ka marrë informacion për disa lëvizje të dyshimta në zonë dhe kur kanë shkuar atje fillimisht me helikopter konstatuan tre persona që po përpiqëshin të nxirrnin nga rëra e bregut të detit një kamion, i cili kishte ngecur aty. Duke mos mundur që ta nxirrnin kamionin, tre trafikantët që dyshohet se janë shqiptarë e shkarkuan drogën duke e fshehur në një zonë të pyllëzuar aty pranë, gjë që u pa nga policia.

Në lidhje me operacionin e kapjes së 1.5 ton drogë me origjinë nga Shqipëria në Turqi ka reaguar edhe ministri i Brendshëm turk Suleyman Soylu.

Përmes një postimi në Tëitter, Soylu përgëzon forcat e xhandarmërisë, policisë dhe rojeve bregdetare duke theksuar se gjatë muajve të fundit është rritur ndjeshëm sasia e drogës e kapur në vend.