Afera e inceneratorëve, Kadilli: Pse Basha hesht për lidhjet e Mirel Mërtirit dhe Arben Ahmetajt

Fatbardh Kadilli, ish-kandidat për kreun e PD në zgjedhjet e fundit që u zhvilluan në këtë parti në muajin korrik, i ka drejtuar një pyetje të drejtëpërdrejtë zyrtarëve të kësaj partie, përfshi edhe Lulzim Bashën, sepse nuk përmendin emrin e Arben Ahmetajt lidhur me aferën e inceneratorëve.

Kadilli shkruan në rrjet se SPAK ka shpallur në kërkim Mirel Mërtirin, personin që qendron mbas incineratorëve dhe gjithë veprimeve kriminale e korruptive me to. Por, PD hesht prapë për ministrin që tre vjet më parë bëri aksident në Maqedoninë e Veriut dhe u zbulua se udhëtonte me Mirel Mërtirin?

“Besoj është e qartë se shqetësimi im është trajektorja e dyshimtë e përdorimit te denoncimeve zyrtare nga PD. Para 2-3 javësh denoncova devijimin e qëllimtë të shënjestrës nga Ahmetaj tek Braçe. Sot, besoj që PD duhet të dalë 10 herë në ditë në konferencë shtypi të denoncojë lidhjet Mërtiri-Ahmetaj dhe t’i bëj presion SPAK-ut që t’i hetojë lidhjet mes Arben Ahmetajt dhe Klodian (Mirel) Mërtirit e Stela Gugallës, që është gruaja e Mërtirit.

Përditë, 10 herë në ditë siç duhet bërë për raste të tjera. Ti e ke përmnedur Ahemtajn në fjalën tënde në parlament, edhe Veliaj edhe Bllakon edhe kryetarë bashkish dhe kjo është meritë e jotja. Por PD duhet të dalë zyrtarisht dhe t’i bëjë presion SPAK që të hetojë pse Ahmetaj udhëtontë në një makinë me Mërtirin kur u akisdentuan në Maqedoni”, shkruan Kadilli në një replikë me deputeten Jorida Tabaku.

Postimi nga Fatbardh Kadilli

Për heshtjen e PD.

Përgjimet e prokurorisë italiane zbuluan garancitë e dhëna nga një Zëvendës Kryeministër për një grup kriminal italian që donte të pastronte paratë në Shqipëri.
PD heshti.

SPAK ka shpallur në kërkim Mirel Mërtirin, personin që qendron mbas incineratorëve dhe gjithë veprimeve kriminale e korruptive me to. Por, PD hesht prapë për ministrin që tre vjet më parë bëri aksident në Maqedoninë e Veriut dhe u zbulua se udhëtonte me Mirel Mërtirin?

Pse hesht PD dhe Lulzim Basha për Arben Ahmetajn? Pse nuk ja përmendin dot emrin? Pse nuk i bën thirrje SPAK të hetojë Arben Ahmetajn?