Aksident fatal në Itali i merr jetën 24-vjeçarit shqiptar, nuk kontrolloi dot shpejtësinë e BMW-së

Një aksident fatal i mori jetën një të riu shqiptar në Itali.

Aksidenti ka ndodhur mbrëmë pak para kryqëzimit për Castelbellino ku shqiptari me iniciale F. K. 24 vjeç duket se ka humbur kontrollin e makinës BMW-së dhe më pas është përplasur.

Mësohet se ai po kthehej në shtëpi, por fatkeqësisht humbi kontrollin e automjetit dhe gjeti vdekjen në moshë fare të re.

Zjarrfikësit dhe ambulanca mbërritën me urgjencë në vendngjarje, por çdo përpjekje për ta mbajtur në jetë rezultoi e pasuksesshme për të riun shqiptar. Për nxjerrjen e trupit të pajetë nga kabina u deshën disa orë.