Zhegrova i lumtur pas golit të fitores tek Basel

Futbollisti i Kombëtares së Kosovës, Edon Zhegrova, është shprehur i lumtur pas golit të shënuar në paraqitjen e tij të dielën në kuadër të Superligës së Zvicrës.

“+3.Çfarë ditë e mrekullueshme, gjithmonë i lumtur të ndihmoj skuadrën me golin vendimtar”, shkroi ai, njofton Klankosova.tv.

I inkuadruar në lojë në pjesën e dytë, Zhegrova shënoi golin e fitores në minutën e fundit të takimit, për skuadrën e tij Basel, në duelin që përfundoi me shifrat 1:0 kundër Sionit, shkruan Klan Kosova. Zhegrova këtë edicion në futbollin zviceran ka shënuar dy gola, ndërsa numëron edhe tri asistime.