Mesfushori i Uellsit diagnostifikohet me kancer

Mesfushori i kombëtares së Uellsit David Brooks, është diagnostifikuar me kancer.

Brooks, i cili luan me Bournemouth-in është tërhequr nga kombëtarja për shkak se nuk ndihej mirë.

Ai më vonë ka bërë të ditur se është i sëmurë më shkallën e dytë të “Linfomës Hodgkin”, e cila është një lloj i rrallë i kancërit që zhvillohet në sistemin limfatik.

24 vjeçari me skuadrën e tij ishte paraqitur në Premier League 39 herë, kur këta të fundit ishin pjesë elitës së futbollit anglez, duke shënuar tetë gola dhe pesë asistime gjatë këtyre paraqitjeve.