Ekipi i Kosovës ka të ardhme

Selektori i Kombëtares së Kosovës, Bernard Challandes, është deklaruar në konferencë për media para ndeshjes kundër Gjeorgjisë.

Challandes theksoi se nuk është i kënaqur me ekipin kundër Suedisë, por tha se ka analizuar ndeshjen dhe nuk do t’i përsëritin gabimet e njëjta kundër Gjeorgjisë, njofton Klankosova.tv.

“Me duhet të pranoj se pas ndeshjes me Suedinë nuk mund të them se jam i kënaqur me ekipin, por shpresoj gabimet të cilat i kemi bërë kundër Suedisë, do t’i përmisojm kundër Gjeorgjisë”, tha Challandes.

Tutje, Challandes tha se Lirim Kastrati është i gatshëm për ndeshjen e nesërme.

“Sa i përket Lirim Kastratit, ai është 100 përqind i gatshëm, dhe do të pjesë e listës së futbollistëve për ndeshjen e nesërme”.

“Synimi ynë është gjithmonë që të luajmë lojë ofensive, ne gjithmonë duhet të luajm në këtë  formë, të krijojmë posedim më të lartë të topit. Këto paraqitje synojm t’i bëjmë gjatë tri ndeshjeve që kanë mbetur, përfshirë miqësoren që do ta zhvillojmë në nëntor”, tha Challandes.

“Këto ndeshje do të na ndihmojnë që të jemi sa më të gatshme për Ligën e Kombeve që fillon në vitin e ardhshëm”, theksoi Challandes.

“Nuk mund të vendos se a do të largohem apo jo, nuk vendosi unë, për mua një pyetje e mirë do të ishte nëse do të bëhej nëse do të jem trajner në vitin e ardhshëm”.

“Çdo trajner ka qëllim që të mbijetojë, si trajner duhet të jetosh me këtë”.

Në fund trajneri tha se ky ekip i Kosovës ka të ardhme, ndërsa theksoi se nuk është me rëndësi e ardhmja e trajnerit, por e Kosovës.