Chiellini e Bonnuci thonë se ikja e Ronaldos i bëri mirë ekipit

Pasi Juventusi mposhti Zenitin në Ligën e Kampionëve, Chiellini pranoi se largimi i Ronaldos ndikoi në formën e skuadrës në fillim të sezonit, duke thënë se sulmuesi portugez duhej të ishte larguar në fillim të gushtit.

“Ne kishim arritur një pikë në marrëdhënie ku Cristiano kishte nevojë për stimuj të rinj dhe një ekip të ri që mund të luante për të, sepse kur gjen një ekip të tillë ai është vendimtar”, tha Chiellini.

“Ai u largua më 28 gusht, do të ishte më mirë për ne që të ishte larguar më herët”.

“Nëse ai do të ishte larguar më 1 gusht, ne do të kishim kohë për t’u përgatitur më mirë”, shtoi ai.

Bonucci po ashtu tha se Zonja e Vjetër po luan si një ekip pas largimit të Ronaldos nga Torino, shkruan DailyMail, përcjell Klankosova.tv.

“Në të kaluarën e afërt ne kishim humbur këtë karakteristikë nga Juve, ne po luanim me një kampion të madh dhe donim ta vendosnim atë në një pozicion që të bënte gjithmonë mirë, duke menduar se ai mund të zgjidhte të gjitha ndeshjet”, tha mbrojtësi.

“Këtë vit ne po rizbulojmë mënyrën e duhur që shërben për të rifilluar fitoret.”

Juventusit duket se nuk i ka lënë shenjë largimi i Ronaldos, pasi skuadra e Allegrit ka fituar gjashtë ndeshje radhazi në të gjitha garat, duke përfshirë tre fitore në Ligën e Kampionëve.