Azem Sadiki: Në gjitha vendbanimet e Komunës së Studeniçanit kemi realizuar projekte kapitale

Kryetari aktual i Komunës së Studeniçanit dhe favorit absolut edhe për një mandat, Azem Sadiki i ftuar në emisionin “Çfarë nuk është e qartë” në TV-Alfa duke folur për rezultatet e raundit të parë dhe pritshmërit nga raundi i dytë i zgjedhjeve lokale ka theksuar se edhe këtë herë qytetarët do i japin kartonin e kuq BDI-së në komunën e Studeniçanit.

“Në raundin e parë bindshëm e kam fituar kundër-kandidatin tim nga BDI. Qytetarët në komunën tonë dinë të vlerësojnë, ata e kanë vlerësuar punën tonë, angazhimin tonë dhe na kanë vlerësuar projektet tona të realizuara për të cilat kemi punuar natë e ditë, edhe unë edhe ekipi im dhe administrate e komunës. Me mbi 50 projekte të realizuara 100% ne e kemi ndryshuar pamjen e vendbanimeve tona. Studeniçani, Batinca, Morana, Koliçani dhe të gjithë vendbanimet tona që janë në komunën tonë i kemi shendrruara në vendbanime urbane. Në të gjitha vendbanimet kemi realizuar projekte në infrastrukturë, gjelbërim, arsim, shëndetësi etj. Qytetarët tonë këtë e vlerësojnë dhe jam i bindur se qytetarët tonë edhe në raundin e dytë të zgjedhjeve lokale përsëri do ta konfirmojnë fitoren tonë, por kësaj radhe me dallim më të madh”, ka thënë Sadiki mes tjerash në intervistën e tij për Tv Alfa pak orë para fillimit të heshtjes zgjedhore.