ASH denconcon: Ramiz Merko thyen heshtjen, asfalton rrugë një ditë para zgjedhjeve

Koalicioni Aleanca për Shqiptarët dhe AlterNativa, kanë denoncuar se në Strugë po bëhet shkelje flagrante e Kodit Zgjedhor nga ana e Ramiz Merkos dhe Komunës së Strugës.

Denoncimi i plotë:

Duam të denoncojmë sot, shkeljen flagrante të Kodit Zgjedhor nga ana e Ramiz Merkos dhe Komunës së Strugës. Në ditën e heshtjes zgjedhore makineritë e kompanive dhe biznesve të afërta me Ramiz Merkon po asfaltojnë rrugica nëpër fshatra të ndryshme të Strugës. Të gjitha këto pa kurrfarë leje, pa procedurë tenderimi dhe jashtë çdo rregulle ligjore. Ekipi ynë i juristëve po bën parashtresat e duhura. Janë të njoftuara edhe Prokuroria dhe Policia, të cilat duhet të dalin në terren dhe të marrin masat e nevojshme.

Asfalti dhe punët ilegale nuk do ta shpëtojnë as Ramiz Merkon, po as edhe bashkëpunëtorët e tij, që kanë shkelur dhe po e shkelin ligjin vazhdimisht.

Qytetarë, ruajeni qetësinë. Ka mbetur edhe pak orë. Struga po u kthehet struganëve!-theksojn nga ASH-ja./in7.tv/